Wupisanje dźěłoweho městna: sobudźěłaćerja (m/ž/d) w sekretariaće kulturnowědomostneho wotrjada
Serbski institut pyta k najblišemu terminej
sobudźěłaćerja (m/ž/d) w sekretariaće kulturnowědomostneho wotrjada
Serbski institut je zwonkauniwersitne interdisciplinarne slědźenišćo z něhdźe 70 sobudźěłaćerjemi/sobudźěłaćerkami na dwěmaj městnomaj (Budyšin a Choćebuz). Wón přeslědźuje rěč, kulturu a stawizny Serbow w Hornjej a Delnjej Łužicy w zańdźenosći a přitomnosći. Integralnej wobstatkaj instituta stej Serbski kulturny archiw a Serbska centralna biblioteka.
Waše nadawki:
- powšitkowne nadawki w sekretariaće
- organizowanje kaž tež přihotowanje a zakónčace wobstaranje posedźenjow a zarjadowanjow
- podpěra wotrjadneho wjednistwa při administratiwnych a organizatoriskich naležnosćach
- podpěra wotrjada při rešeršach a předźěłanju datow
- podpěra při zjawnostnym dźěle (na př. hladanje webstrony)
Wočakujemy:
- nazhonjenja z běrowskimi dźěłami
- pisomne a ertne wobknježenje hornjo- abo delnjoserbšćiny
- wěste wobchadźenje z rozšěrjenymi programami we wobłuku Microsoft Office
- teamakmanosć a komunikaciska kompetenca
- samostatne a strukturěrowane wašnje dźěła kaž tež organizaciske kmanosće
Poskićamy:
- wšelakore, wotměnjawe dźěło
- dźěławosć w motiwowanym, šěroko nastajenym a wjacerěčnym teamje
- po wothłosowanju fleksibelny dźěłowy čas
- płaćenje mzdy po tarifje
- móžnosće dalšeje kwalifikacije
Dźěłowe městno je Budyšin. Jedna so najprjedy wo na dwě lěće wobmjezowane městno z podźělnym dźěłowym časom (25 hodźinow wob tydźeń). Sćěhowace podlěšenje je móžne a so požadane. Mzda płaći so při předleženju wosobinskich wuměnjenjow hač do TV-L E6.
Waše požadanje pósćelće prošu z trěbnymi podłožkami w digitalnej formje (e-mejlka z jeničkim přiwěškom w formaće pdf) do direktorata Serbskeho instituta na adresu si@serbski-institut.de.
Serbski institut spěchuje powołanske runostajenje žonow a muži a zasadźuje so za zjednoćomnosć powołanja a swójby. Tohodla su žony wosebje namołwjene so powabić. Na wosebite wobkedźbowanje ćežko zbrašenych při jenakej kwalifikaciji so dźiwa.
Pokiw k škitej datow: Ze zapodaćom swojeho prócowanja přihłosujeće předźěłanju Wašich wosobinskich datow we wobłuku a k přewjedźenju procesa požadanja. Tute přizwolenje móže so kóždy čas bjez podaća přičin pisomnje abo elektronisce napřećo direktoratej cofnyć. Prošu wobkedźbujće, zo wjedźe cofnjenje přizwolenja k tomu, zo njemóže so Waše požadanje w běžacym požadanskim procesu hižo wobkedźbować.