15. nowembra 2024: Wotewrjenje wučbneje šćežki “Na serbskich slědach po Warnoćicach”

Banner za wotewrjenje wučbneje šćežki "Na serbskich slědach po Warnoćicach" - kwadratiski format

termin: 15.11.2024 15:00 - 18:00 hodź.
Městno zarjadowanja: Biskopski gymnazij Warnoćicy/ Biskupské gymnázium, Střelecká 1800, Warnoćicy/ Varnsdorf, Čěska republika zetkanje před šulskim twarjenjom

W šulskim lěće 2023/24 dźěłachu šulerki a šulerjo 10. a 11. lětnika Biskopskeho gymnazija Warnoćicy a Serbskeho gymnazija Budyšin kaž tež sobudźěłaćerjo Měšćanskeje biblioteki a muzeja we Warnoćicach intensiwnje na wudźěłanju wučbneje šćežki, zo bychu stawizny Serbow we Warnoćicach w powójnskim času spominali. Swjatočnje so nětko wuslědk cyłkownje dwulětneho projekta Serbskeho instituta (projektny team: dr. Jana Piňosová, dr. Robert Lorenc) předstaji.

Program – wotewrjenje wučbneje šćežki “Na serbskich slědach po Warnoćicach”

15:00 – 15:30 hodź., zetkanje před šulskim twarjenjom

„Warnoćicy – wjace hač jenož mjeno“ – jadriwe zeznaće z temu wučbneje šćežki

16:00 – 18:00 hodź., zetkanje w šuli, w historiskej awli gymnazija, 2. poschod

zhromadny swjedźeń z powitanjom zastupnikow kooperaciskich partnerow a předstajenjom projekta z hudźbnym wobrubjenjom

Organizacija & přizjewjenje

Poskićamy transport z Budyšina do Warnoćic (wotjězd w Budyšinje při Serbskim instituće budźe ca. 13:45, wróćojězba kónči ca. 19:00 hodź. na samsnym městnje). Wobmjezowanych městnow w busu dla prosymy wo zazwjazowace přizjewjenje hač do 6.11. w sekretariaće Serbskeho instituta, tel. 03591 4972-0 resp. přez mejlku na si@serbski-institut.de. Tež zastupjerjow medijow, kotřiž chceźa z busom sobu jěć, prosymy so přizjewić.