Nowa direktorka SLUB Serbski institut wopytała

Direktorka Sakskeje krajneje a uniwersitneje biblioteki (SLUB), Katrin Stump (2. wotl.), wopyta minjeny pjatk (14.7.) prěni raz Serbski institut w Budyšinje. Zhromadnje ze swojej zastupjerku, dr. Juliu Mayer (3. wotl.), wobhoni so w rozmołwje z direktorom Serbskeho instituta, prof. dr. Hauke Bartelsom (1. wotl.), a nawodu Serbskeje centralneje biblioteki Witom Bejmakom (napr.) wo dźěle Budyskeho slědźenišća. Dale wuměnichu so k běžnym a móžnym přichodnym kooperacijam na polu digitalizacije kulturneho herbstwa a dołhodobneho archiwowanja. Dr. Anett Brězanec (2. wotpr.), wjednica Serbskeho kulturneho archiwa, poda mały dohlad do archiwa.