Serbske žiwjenske rumy w digitalnej dobje

Zhromadna nowinska zdźělenka BTU Choćebuz-Zły Komorow a Serbskeho instituta (11.03.2025)

Forum 20. a 21. nalětnika 2025 rozestaji so z wuskutkami digitalnych technologijow na přitomnosć a přichod serbskeje kultury. Mjezydisciplinarny forum skići rjad fachowych přednoškow, interaktiwne wiki a rozmołwne koła.

Forum „Serbske žiwjenske rumy w digitalnym času: Mjezydisciplinarny forum wo přitomnosće a přichodźe serbskeje digitalneje kultury” wotměje so w kooperaciji BTU Choćebuz-Zły Komorow, Serbskeho instituta a DomPro gGmbH.

Zarjadowanje měri so na wědomostnikow a wědomostnicy, wosebje pak tež na fachowcow z digitalneje kultury, sorabistow, IT-wuwiwarjow, producentow kaž tež na wužiwarjow digitalnych gratow a resursow.

• štwórtk a pjatk, 20./21. měrca 2025
• Załoženski centrum „Startblock B2“, Siemens-Halske-Ring 2, Choćebuz

Po zawodźe z přednoškom “Digitalne kultury a narodne mjeńšiny – nowe šansy, stare wužadanja?” chcemy temowe kompleksy zhromadźenstwa, rumy, infrastruktury, praktiki a předstajenske swěty w pjeć skupinach pohłubšić, zwjazane ze składnosćemi za interakciju. Krótke fachowe přednoški maja do přemyslowanja wabić, předstajenja projektow skića móžnosć potenciale a wužadanja digitalizacije znazornić. Pjatkowny World Café na temu “Serbske digitalne přichody” ma wuslědki a perspektiwy fachoweje wuměny předstajić. – Wyše toho maja wopytowarjo štwórtk wječor (17:30-20:00 hodź.) składnosć digitalne graty a wuwićowe wuslědki na interaktiwnych wikach bjezposrědnje wuspytać. Předstajene produkty su z přikładom, kak so digitalizacija na serbsku kulturu wuskutkuje.

Wuslědki foruma předstajimy na zakónčacej podijowej diskusiji pjatk wot 15 do 16 hodź. Slědźerjo z wobłuka “digitalneje kultury” a sorabistiki kaž tež wužiwarjo serbskich digitalnych resursow budu zhromadnje ze zastupjerjemi serbskeje IT-branše swoje hladanišća wujasnjować:

• Jan Budar (direktor Załožby za serbski lud)
• prof. dr. Hauke Bartels (Serbski Institut / Techniska uniwersita Drježdźany)
• Alena Pawlikec (ZARI – syć za serbsku rěč a regionalnu identitu)
• Annie Eckert MA, dr. Isabella Kölz, dr. Nadine Wagener-Böck (StudioLab “Arbeit an Arbeit”)
• Anca Claudia Prodan Ph. D. (BTU Choćebuz – Zły Komorow / Serbski institut)

Moderaciju změje dr. Anastasija Kostiučenko-Kessler (Serbski institut).

Digitalne technologije wobwliwuja wšitke žiwjenske wobłuki towaršnosće. Wědomostnicy wšelakich uniwersitow, zhromadnje z kulturnikami, filmowcami a zastupjerjemi Załožby za serbski lud, serbskich towarstwow a Serbskeho instituta, přepytuja wuskutki tutych technologijow na serbsku kulturu.

• dospołna zdźělenka na stronkach BTU Choćebuz-Zły  Komorow
• wudospołnjace informacije a program: www.serbski-institut.de
• fachowy kontakt: Anca Claudia Prodanowa, Ph.D.

Kontakt za nowinarjow:

• Susett Tanneberger, BTU Choćebuz-Zły Komorow (BTU), komunikacija a marketing, t +49 355 69 3126, presse@b-tu.de, www.b-tu.de
• Madlen Domašcyna, Serbski institut, wědomostna komunikacija a zjawnostne dźěło, t +49 (0)3591 4972 54, presse@serbski-institut.de

Madlen Domaschke, Sorbisches Institut Bautzen, T +49 3591 4972-54, madlen.domaschke@serbski-institut.de, www.serbski-institut.de