Serbska debata: Noworěčnicy: Wutrobnje witani?! 100.000 Serbow a kak dale?
termin: 27.03.2025 19:00 hodź.
Městno zarjadowanja: Serbski dom – žurla, Póstowe naměsto 2, 02625 Budyšin
Na podiju a z publikumom diskutuja:
- prof. dr. Nicole Dołowy-Rybińska, sociolinguistka, wědomostna sobudźěłaćerka w projekće ZARI – syć za serbsku rěč a regionalnu identitu
- dr. Fabian Kaulfürst, sorabist
- dr. Cornelia von Ruthendorf-Przewoski, fararka a wučerka na Serbskim gymnaziju Budyšin; noworěčnica
- Anna-Rosina Wjeselina, mać a noworěčnica
Organizacija a moderacija:
- dr. Lubina Malinkowa, Serbski institut
- dr. Theresa Jacobsowa, Serbski institut
Simultany přełožk do němčiny:
- dr. Beata Brězanowa, WITAJ
Livestream je přistupny na stronkach Załožby za serbski lud.
Tema:
Najpozdźišo z iniciatiwomaj Zorja a Zari stej rěčna rewitalizacija a zdobyće noworěčnikow jedne z centralnych polow serbskeho skutkowanja. Iniciatiwje přewodźa wulka nadźija na jeje wuspěch. Hladajo na puće a zaměry tuteju su pak tež skeptiske hłosy słyšeć. Chcemy tuž zhromadnje diskutować, kak móže so rewitalizacija radźić a kotre wužadanja při tym na noworěčnikow kaž tež na maćernorěčnych čakaja.
Serbski institut zarjaduje tutu prěnju wot třoch Serbskich debatow w nalěću 2025. – Rjad »Serbska debata« je kooperacija Sakskeje krajneje centraly za politiske kubłanje, Serbskich Nowin a Załožby za serbski lud. Zarjadowanje je tež jako livestream na internetnej stronje Załožby za serbski lud přistupne.
