Pućowaca wustajeńca w Choćebuzu: “Swoboda kiwa! Serbja a mjeńšinowe prašenje po 1918 “
Městno zarjadowanja: Serbski muzej Młynska dróha 12 03046 Choćebuz
“Swoboda kiwa”, rěka spočatk 1919 z wulkej nadźiju, jako so europska zemjepisna karta po skónčenju Prěnjeje swětoweje wójny znowa rjaduje. Pućowaca taflowa wustajeńca Serbskeho instituta prezentuje wjeršk serbskich narodnych prócowanjow mjez swětowymaj wójnomaj. Při tym stajane prašenja za kolektiwnym samopostajowanjom, za tolerancu a wurunanjom zajimow mjez mjeńšinu a wjetšinu su hač do dźensnišeho aktualne.
Wernisaža běše pjatk, dnja 31. měrca 2023:
- postrowjenje:
Martina Nowakojc – Serbbski muzej, Choćebuz - zawod: dr. Jana Piňosová, stawiznarka při Serbskim instituće
- hubdźba: hudźbnicy Serbskeho folklorneho ansambla z.t., Slepo
Finisaža: 12. meje 2023, 18 hodź.
Wustajeńca je wotewrjena wot 31. měrca hač do 14. meje 2023: srjedu hač do pjatka wot 10:00 do 18:00 hodź., sobotu a njedźelu kaž tež na zakonskich swjatych dnjach přeco wot 13 do 18 hodź. Dalše informacije, hlej homepage Serbskeho muzeja.
Wustajeńca je so spěchowała wot Ministerstwa za wědomosć, slědźenje a kulturu kraja Braniborska, wot Sakskeho statneho knježerstwa, wot Němsko-Čěskeho fonda přichoda/ Česko-německý fond budoucnosti a wot Załožby za serbski lud, kotraž dóstawa lětnje přiražki z dawkowych srědkow na zakładźe hospodarskich planow, wobzamknjenych wot Němskeho zwjazkoweho sejma, Krajneho sejma Braniborskeje a Sakskeho krajneho sejma.