Pućowaca wustajeńca “Swoboda kiwa! Serbja a mjeńšinowe prašenje po 1918” pućuje po Pólskej. Wernisaža w Poznanju: 9. meje
Městno zarjadowanja: Uniwersita Adama Mickiewicza w Poznanju, fakulta za politiske wědomosće a žurnalizm, ul. Uniwersytetu Poznańskiego 5, 61-614 Poznań
doba wustajeńcy: 9.-16. meje 2024
Wotewrjenje wustajeńcy w Poznanju, 9. meje 2024, 15:00 hodź
Witanje:
- Dr. Justyna Schulz, Dyrektor Instytutu Zachodniego, Poznań
- Prof. Dr. Andrzej Stelmach, Dziekan Wydziału Nauk Politycznych i Dziennikarstwa, Uniwersytet Adama Mickiewicza w Poznanju
Zawod:
- dr. Edmund Pjech, Serbski institut, Budyšin
Podijowa diskusija:
- prof. dr. Piotr Pałys, Instytut Śląski, Opole
- prof. dr. Andrzej Sakson, Uniwersytet Adama Mickiewicza w Poznanju
- dr. Małgorzata Mieczkowska, Uniwersytet Szczeciński
- dr. Edmund Pjech, Serbski institut, Budyšin
- dr. Marcin Tujdowski, Instytut Zachodni, Poznań
Wo wustajeńcy
“Swoboda kiwa”, rěka spočatk 1919 z wulkej nadźiju, jako so europska zemjepisna karta po skónčenju Prěnjeje swětoweje wójny znowa rjaduje. Pućowaca taflowa wustajeńca Serbskeho instituta prezentuje wjeršk serbskich narodnych prócowanjow mjez swětowymaj wójnomaj. Při tym stajane prašenja za kolektiwnym samopostajowanjom, za tolerancu a wurunanjom zajimow mjez mjeńšinu a wjetšinu su hač do dźensnišeho aktualne.
Wustajeńca je so spěchowała wot Ministerstwa za wědomosć, slědźenje a kulturu kraja Braniborska, wot Sakskeho statneho knježerstwa, wot Němsko-Čěskeho fonda přichoda/ Česko-německý fond budoucnosti a wot Załožby za serbski lud, kotraž dóstawa lětnje přiražki z dawkowych srědkow na zakładźe hospodarskich planow, wobzamknjenych wot Němskeho zwjazkoweho sejma, Krajneho sejma Braniborskeje a Sakskeho krajneho sejma.
