Pućowaca wustajeńca “Swoboda kiwa! Serbja a mjeńšinowe prašenje po 1918” w Opolu w Pólskej
termin: 23.09.2024 - 07.10.2024
Městno zarjadowanja: Měšćanska biblioteka, ul. Minorytów 4, 45-017 Opole
- wotewrjenje wustajeńcy a dźěłarnička: Bibliotekowa galeria, dnja 23.9.2024 w 12.30 hodź.
- zawod: Prof. dr. Piotr Pałys, Instytut Sląski, Opole a dr. Edmund Pjech, Serbski institut, Bautzen/Budyšin
- dźěłarnička wo mjeńšinowej polityce před 100 lětami
Wo wustajeńcy
“Swoboda kiwa”, rěka spočatk 1919 z wulkej nadźiju, jako so europska zemjepisna karta po skónčenju Prěnjeje swětoweje wójny znowa rjaduje. Pućowaca taflowa wustajeńca Serbskeho instituta prezentuje wjeršk serbskich narodnych prócowanjow mjez swětowymaj wójnomaj. Při tym stajane prašenja za kolektiwnym samopostajowanjom, za tolerancu a wurunanjom zajimow mjez mjeńšinu a wjetšinu su hač do dźensnišeho aktualne.
Wustajeńca je so spěchowała wot Ministerstwa za wědomosć, slědźenje a kulturu kraja Braniborska, wot Sakskeho statneho knježerstwa, wot Němsko-Čěskeho fonda přichoda/ Česko-německý fond budoucnosti a wot Załožby za serbski lud, kotraž dóstawa lětnje přiražki z dawkowych srědkow na zakładźe hospodarskich planow, wobzamknjenych wot Němskeho zwjazkoweho sejma, Krajneho sejma Braniborskeje a Sakskeho krajneho sejma.