Die Oberlausitz im Zweiten Weltkrieg.

Studie zu den wendisch-deutschen Kreisen in Sachsen und Niederschlesien 1936–1946
Michael Richter

dwaj dźělnej zwjazkaj, 1.350 s., brošura

ISBN: 978-3-7420-2603-3
Płaćizna: 60,00 €
lěto wudaća: 2021

Wobsah

W swojim dwuzwjazkowym wudaću “Die Oberlausitz im Zweiten Weltkrieg” zabjerje Michael Richter zdobom regionalnu kaž tež serbsku perspektiwu k tehdyšim wobstejnosćam a podawkam w Hornjej Łužicy. Na šerokej bazy dotal hišće njewobkedźbowanych žórłow wopisuje nadrobnje struktury nacionalsocialistiskeho teroroweho aparata w Hornjej Łužicy a pomjenuje tudyšich zamołwitych a podpěrarjow runje tak kaž přećiwnikow režima a wopory.

Wosebitu kedźbnosć kładźe na čłowjekow a jich biografije a dopomnjenki. Z wulkej ličbu jednotliwych přikładow z wokrjesow Budyšin, Kamjenc, Lubij, Wojerecy, Rózbork a zdźěla Zhorjelc wobjednawaja so tehdyše wuwića: wot regionalnych strukturow a rozsudźacych wosobinow w NSDAP přez poměr Serbow ke knježerstwu, wobchad ze Židami, nućenymi dźěłaćerjemi a wójnskimi jatymi, přez wójnske hospodarstwo a wuwiće wójny, předewšěm w nalěću 1945, hač k wobsadźenju Hornjeje Łužicy přez Čerwjenu armeju, wójnskim sćěham a zarjadniskemu a politiskemu nowozapočatkej po němskej kapitulaciji.

wotkaz na nakładnisku stronu

Recensije

Piotr Pałys: Nowy pohlad na Hornju Łužicu w času wójny a dweju diktatorow. w: Rozhlad 73 (2023) 5, str. 24-27. (Přełožk: Dietrich Šołta)