Hornjoserbska frazeologija

Po wozjewjenju třirěčneho “Hornjoserbskeho frazeologiskeho słownika” so dźěło na datowej bance frazeologizmow pokročuje. Wobstatk datow so běžnje přez ekscerpciju a wuhódnoćenje tekstoweho korpusa rozšěrja a w interneće spřistupnja. Jako dalši wuslědk nasta na bazy frazeologiskeho słownika ilustrowana frazeologiska přiručka za dźěći (ca. 300 wobrotow) jako jednorěčny słownik, kiž ma znajomosć hornjoserbskeje frazeologije pola młodych čitarjow spěchować. Za realizaciju tutoho na praksu wusměrjeneho projekta wužiwachu so nazhonjenja, kiž zdobychu so při wobdźěłanju frazeologiskeho słownika.

Wuslědki

• 2009 Anatolij Iwčenko, Sonja Wölkowa: Wo wćipnych Jěwach a nócnych hawronach. Rěčne wobroty za dźěći a staršich
• 2005 Hornjoserbski frazeologiski słownik w interneće
• 2004 Anatolij Ivčenko, Sonja Wölke: Hornjoserbski frazeologiski słownik / Obersorbisches phraseologisches Wörterbuch / Верхнелужицкий фразеологический словарь

Na projekće wobdźěleni: Dr. habil. Sonja Wölkowa