Němsko-hornjoserbski słownik noweje leksiki w druhim, dospołnje předźěłanym nowonakładźe wušoł
30. januara wuńdźe Němsko-hornjoserbski słownik noweje leksiki Serbskeho instituta (wudawaćel) w Ludowym nakładnistwje Domowina.
Słownik je so jako njeparujomna přiručka za wukmanjenje w modernej serbskej spisownej rěči wopokazał. Wón wudospołnja dwuzwjazkowy Němsko-hornjoserbski słownik (1989/91) a wopřija nowy słowoskład, kotryž je w zašłych tři lětdźesatkach našu spisownu maćeršćinu wobohaćił.
Awtorce dr. Anja Pohončowa a dr. Jana Šołćina stej 2. nakład dospołnje přehladałoj a na dobro wužiwajomnosće wobdźěłałoj. Při tym stej dodałoj dalše rěčne nowotwórby z najblišeje zašłosće, ale tež druhe słowa zas wušmórnyłoj, kotrež njejsu so w praksy přesadźili. Słownik noweje leksiki wotbłyšćuje tuž aktualny staw wuwića našeje spisowneje maćeršćiny a pomha serbsce wuknjacym a pisacym při tym, stajnje to prawe słowo namakać.
Helmut Jenč, Anja Pohončowa, Jana Šołćina
Němsko-hornjoserbski słownik noweje leksiki
204 s., kruta wjazba,
ISBN 978-3-7420-2012-3, 16,90 €
wobdźěłanje 2. nakłada: Anja Pohončowa, Jana Šołćina