Lětni kurs za serbsku rěč a kulturu
Městno zarjadowanja: Budyšin
Kurs je połny, přizjewjenja su jenož hišće wuwzaćnje móžne.
Termin: 22.07.2022 – 06.08.2022
Cilowa skupina
- slawistki a slawisća
- studentki/studenća slawistiki z tu- a wukraja
- wšitcy, kotřiž chcedźa serbsce wuknyć
Wobsahi kursa
- hornjoserbske rěčne zwučowanja za započatkarjow a pokročenych (ca. 50 wučbnych jednotkow à 45 mjeńšin; zajimcy za delnjoserbšćinu namakaja na homepage Šule za dolnoserbsku rěc a kulturu aktualne informacije wo přichodnych kursach)
- přednoški wo serbskej rěči, literaturje, stawiznach a kulturje
- zetkanja ze serbskimi kulturnikami
- wopyty kulturnych institucijow a ekskursije ke kulturnohistorisce wažnym městnosćam Łužicy
Płaćizny, nóclěh a zastaranje:
nóclěh: Wobdźělnicy kursa zaměstnja so w Serbskim internaće Rěčneho centruma WITAJ na Friedricha Listowej dróze 8a w Budyšinje, hłownje w dwułožowych stwach. Wučba wotměje so w rumnosćach Serbskeho gymnazija w bjezposrědnym susodstwje.
płaćizny: Normalny popłatk za kurs wučinja 600,00 €, za studentki/studentow 450,00 €. Za wobdźělnikow ze słowjanskich resp. wuchodoeuropskich krajow płaći potuńšeny popłatk 300,00 € resp. 200,00 € (za studentow). Zajimcy, kotřiž přińdu direktnje z Ukrainy, móža so přidatnje spěchować.
Popłatk zaruča wučbu, nóclěh, zastaranje a ekskursije.
Postajenja dla pandemije:
Tuchwilu planujemy tak, zo móže so kóždy zajimc na kursu wobdźělić, njewotwisnje wot toho, kajki ma status šćěpjenja abo wotchorjenja. Po potrjebje staja Serbski institut na městnje testy k dispoziciji. Jeli pak so prawniske połoženje změni resp. jeli so relewantne sakske postajenja změnja, dyrbi so tute rjadowanje wotpowědnje płaćacym postajenjam přiměrić.
Kontakt:
Jeli maće prašenja, wobroćće so prošu na dr. Fabiana Kaulfürsta.
Lětni kurs 2022
Serbski institut
Dwórnišćowa 6
02625 Budyšin
dalše powšitkowne informacije wo rěčnym kursu Serbskeho instituta a wo jeho stawiznach