Knižne předstajenje z diskusiju, 17. junija w Budyšinje: “Blumen und Brandsätze. Eine deutsche Geschichte 1989-2023” (Klaus Neumann)
Městno zarjadowanja: Němsko-Serbske ludowe dźiwadło Budyšin, zapadny foyer, Seminarska hasa 12, 02625 Budyšin
Wo knize
Najpozdźišo wot 1980tych lět sem lědma što w samsnej měrje zjawnosć rozhorjowaše kaž prašenje, kelko čłowjekow scyła a kotrych tych, kotřiž “njejsmy k nam wołali”, Němska přiwzać dyrbi. Klaus Neumann zaběra so z wotmołwami na tute prašenje: wot žadanjow za změnu artikla 16 zakładneho zakonja w zažnych 1990tych lětach, přez tak mjenowanu “kulturu witanja” 2015 hač k wospjetnemu twjerdźenju, zo “je čołm połny” po přichadźe ćěkancow z Ukrainy 2022.
Stawiznar přepytuje wšelake motiwacije, ćěkancam škit přizwoleć abo jim tutón zapowědźeć. W srjedźišću jeho přepytowanjow steja při tym lokalne a lokalno-politiske rozestajenja: w zapadźe Hamburga a w juhowuchodnej Sakskej. Nazornje pokaza Klaus Neumann, w kotrej měrje běchu wujednanske procesy wo přiwzaću přichadźacych z NDR a ze statow něhdyšeho Sowjetskeho zwjazka, požadarjow wo azyl a před wójnu ćěkacych splećene z debatami wo rasizmje a prawicarskim ekstremizmje, wo demokratiskim wobdźělenju a wo zapadoněmskimi a wuchodoněmskim identitami.
Kniha dowoli z tym nowe dohlady do połštwórta lětdźesatkow němskich stawiznow. Zdobom je wona pledoajej za wobšěrnu debatu za prašenje, čehodla by dyrbjała Němska škit pytacych přiwzać.
Wo Klausu Neumannje
Klaus Neumann je stawiznar a kulturny wědomostnik. 1985 ćehnješe do Awstralskeje, zo by tam wo stawiznach a powědančkach w Papua-Nowej Gineji promowował. Hač před krótkim bě profesor za stawizny w Melbournje. Slědźeše mjez druhim wo prašenjach historiskeje sprawnosće a wo wopomnjenskej politice. Wón je awtor wjacorych mytowanych spisow, kotrež so z politiku, azyl a ćěkancow nastupajo, zaběraja. Wot lěta 2018 skutkuje za Hamburgsku Załožbu k spěchowanju wědomosće a kultury.
Předstajenje knihi z diskusiju je zarjadowanje w ramiku zjawnych přednoškow Serbskeho instituta.