Knižna premjera, dnja 10. měrca (SLA): “Sorbische Geigen. Serbske husle”
termin: 10.03.2024 16:00 hodź.
Městno zarjadowanja: Serbski ludowy ansambl, Wonkowna Lawska 2, 02625 Budyšin
Serbski institut a čěski awtor Petr Ch. Kalina předstajitaj nowu publikaciju: “Sorbische Geigen. Serbske husle” (Mały rjad Serbskeho instituta Budyšin; wudaće 36). W njej so wulke a małe serbske husle prěni raz wobšěrnje organologisce přepytuja. Zakład za tutu studiju je dokumentacija wšěch poskićenych originalnych eksemplarow a dodatnych twarow. Tež twarcy, hrajerjo a zběraćeljo husličkow kaž tež serbska ludowa hudźba sama steja w fokusu přepytowanja. Dr. Petr Ch. Kalina je wědomostny sobudźěłaćer w instituće za hudźbnu wědomosć a instituće za slawistiku filozofiskeje fakulty Masaryk-uniwersity w Brnje. Wón slědźi předewšěm wo ludowej a wuměłskej hudźbnej kulturje słowjanskich ludow.
Knižna premjera z awtorom wotměje so we wobłuku zakónčaceje prezentacije SLA “LAB F – Laboratorij serbskeje tradicionalneje hudźby. Kralowy huslerski spěwnik jako žórło inspiracije”
Plakat a banner
