Knižna premjera: Minderheit – Macht – Natur. Verhandlungen im Zeitalter des Nationalstaats [Mjeńšina – móc – přiroda. Jednanja w dobje narodneho stata]

termin: 11.08.2022 19:00 hodź.

Městno zarjadowanja: Smolerjec kniharnja, Sukelnska 27, 02625 Budyšin

Na mnohich městnach swěta je prašenje za prawami awtochtonych mjeńšin nastupajo samozarjadnistwo a soburěčenja relewantne. Jednanja wo tym su rozdźělne. Wšojedne hač we Łužicy, w italskim dole Aosta abo při rěce Rio Negro w Brazilskej – we wotpowědnych žadanjach argumentuje so často z wosebitym poměrom wobydlerjow k přirodźe.

W dwanaće esejach ze wšelakich wobłukow duchownych wědomosćow wobswětluja so strategije mjeńšinow we wobchadźe z přirodu, runje tak kaž strategije wjetšinow we wobchadźe z mjeńšinami a přirodu. Kak so poměr tuteju kategorijow wobkedźbuje, kak so tutón poměr diskutuje? A kotru rólu hraje wědomosć při definowanju mjeńšinow a jich wobchada z přirodu we wotpowědnym sydlenskim rumje?

Wudawaćelce Jana Piňosová a Susanne Hozyna předstajitej knihu, kotraž wuńdźe jako spis Serbskeho instituta w LND (SPISY 69).

Zhromadne zarjadowanje Serbskeho instituta a Ludoweho nakładnistwa Domowina.

Dalše terminy knižnych předstajenjow:

• 2.11.2022, 19.00 hodź., Dom tysac hatow, Stróža, Wjesna dróha 29
• 9.11.2022, 18.00 hodź., Serbski kulturny centrum Slepo, Měrowa dróha 65