Hranicy přewinyć a wuhotować – Přednošk wo čěskim sokołskim hibanju, dnja 15. septembra w Budyšinje

XI. Sokołski zlět wot 3. do 8. julija 1948 w Praze. Masowa scena wobdźělnikow w Strahovskim stadionje © Serbski kulturny archiw / Serbski institut

termin: 15.09.2022 15:00 hodź.

Městno zarjadowanja: Serbski dom w Budyšinje, žurla

W přednošku předstaji Martin Klement, Ph.D. najwažniše wuwićowe fazy čěskeho sokołskeho hibanja, kotrež započina so w lěće 1862. Ćežišćo přednoška leži na poćahach mjez čěskimi a wukrajnymi jednotkami, předewšěm serbskimi. Na přikładźe jara aktiwneho čěskeho sokołskeho funkcionara Josefa Maštálka znazornja Martin Klement, kak spytachu akterojo čěskeho Sokoła mjez tu- a wukrajnymi Sokołami mosty twarić.

Historikar Martin Klement je wědomostny sobudźěłaćer Masarykoweho instituta a archiwa Akademije wědomosćow Čěskeje republiki kaž tež bibliotekar a archiwar Čěskeho sokołskeho zwjazka w Praze. Wón je w Praze a Berlinje stawizniske wědomosće studował. 2019 promowowaše na Karlowej uniwersiće Praha z dźěłom “Podstata a strategie šíření turnerského ,völkisch‘ světonázoru” (Bytosć a strategija rozšěrjenja “ludskeho” swětonahlada w Sokołskim hibanju). K jeho slědźerskim ćežišćam słušeja nimo sportowych stawiznow tež idejowe stawizny a stawizniska didaktika.

wjacy wo serbskim sokołskim hibanju, hlej digitalny Serbski kulturny leksikon Serbskeho instituta