Dźeń bibliotekow 2024
Městno zarjadowanja: čitarnja Serbskeje centralneje biblioteki, Dwórnišćowa 6, 02625 Budyšin
Serbska centralna biblioteka wobdźěli so prěni raz na cyłoněmskim Dnju bibliotekow a předstaji swoje dźěło. Nimo toho změja wopytowarjo składnosć do magacina pokuknyć a zhonja, kak móža na městnje w čitarni ale tež online rešeršować. Přeprošeni su rjadownje a zajimcy. – Organizatoriskich přičin dla prosymy wo přizjewjenje w sekretariaće, tel. 03591 4972-0.
- dalše informacije wo Dnju bibliotekow 2024
Załožena bu Serbska centralna biblioteka w lěće 1949. Wona zběra wšu literaturu w serbskej rěči, wo Serbach a wo Hornjej a Delnjej Łužicy. Biblioteka je zdobom wědomostna fachowa knihownja Serbskeho instituta a wobsedźi přez wuměnu z wukrajnymi bibliotekami nahladny wobstatk (z tuchwilu něhdźe 110 000 medijowymi jednotkami, inkl. časopisowymi zwjazkami) slawistiskich a słowjanskich knihow a časopisow. We wirtuelnej čitarni namakaće wšitke poskitki Serbskeho kulturneho archiwa a Serbskeje centralneje biblioteki na jednym městnje zhromadźene.
Wotewrjenski čas čitarnje a kontakt
wot póndźele do srjedy: 9:00 – 16:00 hodź.
štwórtk: 9:00 – 18:00 hodź.
pjatk: zawrjene
- biblioteka-archiw@serbski-institut.de, tel. 03591 4972-15 (čitarnja)