Dźeń archiwow w Serbskim instituće w Budyšinje njedźelu, 3. měrca

termin: 03.03.2024 14:00 - 16:00 hodź.
Městno zarjadowanja: Serbski institut, Dwórnišćowa 6, 02625 Budyšin

Serbska centralna biblioteka a serbski kulturny archiw wobdźělitej so na lětušim dnju archiwow z motom “Jěsć a pić”. Tutón dźeń wuhotuje so dwulětnje. Zwjazk němskich archiwarow je jón w lěće 2001 zrodźił.

Program

• 14:00 a 15:00 hodź. – “Archiw jako kulturny pomjatk”: stawizny, dźěławosć, wobstatki, jednotliwe eksponaty; wjedźenje po archiwje
• běžnje – předstajenje historiskich wobrazow a nahrawanjow na temu

Při wšědnym dźěle w archiwje a bibliotece njejsu zežiwidła a piće rady widźane – ale w dokumentach a knihach so husto wo nich pisa a rěči. Něšto za wóčko a wucho su historiske fotografije a zwukowe dokumenty. Něšto za brjuch su samopječene plincy (po recepće z Błótow) a kofej. Budźće wutrobnje witani!

Dalše informacije k Dnjej archiwow w Němskej. Impresije minjeneho Dnja archiwow w Serbskim kulturnym archiwje, 6. měrca 2022.