Druhi zešiwk Lětopisa wušoł

W prěnim přinošku stajitaj Madlena Malinkowa a Fabian Kaulfürst njedawno namakane najstarše delnjoserbske listy z lěta 1745 do historiskeho a rěčespytneho ramika. Sćěhuje nastawk Piotra Pałysa, kotryž wopisuje rezonancu na zběžki w Hornjej Šleskej 1920/21 w tehdyšim serbskim nowinarstwje. Robert Lorenc předstaja skutkowanje kopańcoweho towarstwa FC Oberlausitz Neugersdorf e.V. w sociokulturnym splećenym rumje čěsko-pólsko-němskeho třikrajoweho kuta. Sćěhujetaj mjenowědnej přinoškaj: Kito Kśižank předstaji programatisce onomastiske slědźerske wobłuki, kotrež su za sorabistiku relewantne. Jan Malink předstaji nowy pospyt rozjasnjenja mjena Schiebock, ludoweho přimjena za město Biskopicy. Thomas Menzel zaběra so z móžnosćemi a wobmjezowanjemi genderoweje rěče w serbšćinje, wuchadźacych z wuměnjenjow fleksiskeho systema. W rubrikach sćěhuja spominanje na zemrěteho sorabista prof. dr. Hinca Šewca, dwě recensiji kaž tež rozprawa wo třećej konferency młodych sorabistow.

Skazanka ćišćaneho zešiwka Lětopis 2021/2 pola Ludoweho nakładnistwa Domowina: https://www.domowina-verlag.de/letopis-2-2021.html
Jednotliwe přinoški su bórze online přistupne (mjez 3,00 a 4,50€ za wědomostny nastawk) pod: www.ceeol.com/search/journal-detail?id=718

Dalše informacije k wudaću z nadrobnym wobsahom, kompletnej lisćinu awtorow a jendźelskimi zjećemi namakaće tu na našej stronje (w rubrice publikacije): serbski-institut.de/publikation/letopis-2021-2/