Wutwar internetoweho portala wo hornjoserbšćinje

2018 wozjewi so analognje k portalej dolnoserbski.de koncipowany internetowy rěčny portal hornjoserbsce.de, wobsahowacy jako zazběh efektiwnje wužiwajomnu onlineprezentaciju “Rěčnych kućikow”, kotraž so z toho časa lětnje wo z metadatami wobohaćene přinoški předchadźaceho lěta rozšěrja. Pozdźišo sćěhowaše poněčemny wutwar portala. Wažny kročel bě spřistupnjenje prěnjeje internetoweje wersije (retrodigitalizowaneho) Němsko-hornjoserbskeo słownika (1989/91). Tole bě runočasnje wuchadźišćo za zwjazanje słownika z leksikaliskej resursu „soblex“, na kotrejež wutwarje je SI na rozsudźace wašnje wobdźěleny.
Mjeztym je so portal wo dalše module rozšěrił.

Wuslědki

02/2025: Chětre rozšěrjenje zběrki Noweje leksiki.
02/2025: Spřistupnjenje korigowaneho a wobdźěłaneho druheho nakłada Němsko-horjnoserbskeho słownika noweje leksiki
10/2024: Spřistupnjenje pytanja w Hornjoserbskim tekstowym korpusu
05/2024: Rozšěrjenje centralneho pytanja wo serbske ekwiwalenty z Němsko-hornjoserbskeho słownika (1989/91)
12/2023: Wozjewjenje internetoweho wudaća wobdźěłaneje wersije Němsko-hornjoserbskeho słownika noweje leksiki
06/2023: Zawjedźenje centralneho pytanja w portalu
03/2023: Wozjewjenje prěnjeje zběrki Noweje leksiki
03/2023: Polěpšenje internetoweje wersije Němsko-hornjoserbskeho słownika (1989/91)
03/2023: Wozjewjenje prěnjeho modula Noweho němsko-hornjoserbskeho słownika
10/2022: Wozjewjenje internetoweho wudaća Zhromadźenych spisow Handrija Zejlerja
12/2020: wozjewjenje DOW 1989/1991-digitalnje jako druhi modul portala
wot 07/2019: rozšěrjenje modula “Rěčne kućiki” wo přinoški z předchadźaceho lěta (dotal inkl. 2020)