Serbska literatura w antologijach NDR-skeho časa

Antologije z NDR-skeho časa podadźa so wosrjedź pola napjatosće infrastrukturelnych, (kulturno)politiskich, měritkow a estetiskeje swojoraznosće literatury. Wone wopokazuja so jako platforma, na kotrejž wšelacy akterojo ze stajnje specifiskimi zaměrami, zajimami a narokami interagěruja. Tu roznošuja swoje konflikty a wuwiwaja w literarnym jednanju mjez wojowanjemi wo najlěpše městno, hromadźedźerženjom a diskusijemi swoje pozicije.

Projekt staji sej zaměr, procesy serbskeje literatury we wěstym mediju a wěstej dobje wotkryć, analyzować a wułožować. K tomu wobhladuja so žórłowe teksty zhromadnje z jich wobdawacej a postajowacej infrastrukturu. Na kompleksu antologije wobdźěleja so mnozy akterojo: přinošowarjo a přinošowarki, wudawaćeljo a wudawaćelki, awtorojo a awtorki před- abo dosłowow a wobalkowych tekstow, přełožowarjo a přełožowarki, nakładnistwa, Berlinski censurowy zarjad, publikum a literarna kritika.
Tutón šěrokeho spektruma dla nastawaja wšelake družiny tekstow, kotrež so w projekće wuhódnoćeja a na kotrychž mjezsobny zwisk a wliw so pokazuje.