Einflüsse des Deutschen auf die grammatische Struktur slawischer Sprachen

Internationale Konferenz des Sorbischen Instituts 14.─15. 10. 2011 in Cottbus/Chóśebuz
wud. Sonja Wölkowa, Hauke Bartels

239 stronow, brošura

ISBN: 978-3-7420-2343-8
Płaćizna: 29,90 €
lěto wudaća: 2015

Wobsah

Hladajo na geografiske rozšěrjenje je němčina za słowjanske rěče jedna z najwažnišich kontaktnych rěčow. Wona njeje jenož w słowoskładźe, ale tež w gramatiskich systemach mnohe slědy zawostajiła. Runje tutón naposledk mjenowany aspekt steji w zańdźenych lětdźesatkach w přiběracej měrje w fokusu kontaktneje linguistiki. W nazymje lěta 2011 wěnowachu so w Choćebuzu we wobłuku wědomostneje konferency Serbskeho instituta slawisća z Němskeje, Pólskeje, Čěskeje, Šwicarskeje, Chorwatskeje a Słowjenskeje tutej temje. Předležacy zběrnik spřistupnja wjetšinu přinoškow z tuteje konferency. W nich so na wšelakore wašnje wobswětluja mechanizmy, faktory a wuskutki wliwa němčiny na słowjanske rěče. Na jednym boku přepytuje so z pomocu přirunowanja wjacorych kontaktnych situacijow skutkowanje wšelakorych rěčnych a zwonkarěčnych wuměnjenjow na konkretne wuformowanje interferencnych zjawow, na druhim boku steji w srjedźišću systematizacija typiskich wuskutkow němsko-słowjanskeho rěčneho kontakta resp. nadrobne wopisanje jednotliwych kontaktnych inowacijow na gramatiskim polu na zakładźe korpusowych přepytowanjow.
Předležacy zwjazk skići nowe dopóznaća na polu sorabistiki a slawistiki a je zdobom přinošk ke kontaktnolinguistiskemu diskursej.