Słowotwórba w hornjoserbšćinje

Wopisowanje słowotwórby wobmjezuje so dotal w hornjoserbšćinje na někotre přinoški, kotrež so na wěste jednotliwe aspekty koncentruja resp. předstajeja jenož krótki přehlad (T. Lewaszkiewicz, M. Krječmar, F. Michałk, H. Šewc). Porno tomu pobrachuje teoretisce fundowana cyłkowna analyza. Projekt wobmjezuje so tuchwilu na słowotwórbu substantiwow ze zaměrom analyzować substantiwiske deriwaty po wšelakich kriterijach, na př. hladajo na semantiske skupiny.