Wutwar normatiwneje bazy za hornjoserbski prawopisnu kontrolu (faza II)

Wutwar normatiwneje bazy za hornjoserbski prawopisnu kontrolu (faza II)

Wot lěta 2009 dźěłaštaj informatikarjej nimopowołansce a zwoprědka na swoju iniciatiwu na hornjoserbskim prawopisnym modulu za Microsoft Office kaž tež Open/LibreOffice. Bazu tworještej hornjoserbski słowoskład, kaž kodifikuje jón Hornjoserbsko-němski prawopisny słownik Pawoła Völkela we wobdźěłanju Tima Meškanka a nowowuwity morfologiski generator. 2016 su rěčespytnicy Serbskeho instituta definicije fleksiskich klasow morfologiskeho generatora za pronomeny, numeralije a werby zaměrnje přepruwowali a korigowali. Trěbne změny implementowachu so w zhromadnym dźěle z wuwiwarjomaj generatora, Bernhardom Baierom a Witom Bejmakom, do systema. Z tym předležeše kónc 2016 přepruwowana wersija morfologiskeho generatora jako zakład za hornjoserbsku prawopisnu kontrolu. Hižo 2017/18 je so datowa baza prawopisneje kontrole rozšěriła wo słowoskład, zapisany w ekwiwalentach Němsko-hornjoserbskeho słownika noweje leksiki (NHSNL, 2006) a zběrkach šulskeje terminologije, wobdźěłanych we wobłuku projekta noweho němsko-hornjoserbskeho słownika.
Předmjet předležaceho předewzaća je poslednje wobšěrne rozšěrjenje datoweje bazy, z kotrymž docpěje so wysoki stopjeń aktualnosće a dospołnosće. Dalše rozšěrjenja budu w přichodźe na zakładźe monitoringa hornjoserbskeho pismowstwa móžne. W projekće je předwidźane zapřijeće sćěhowacych datowych wobstatkow:
(a) zapřijeće dotal w awtomatiskej prawopisnej kontroli njewobsahowaneje leksiki z Němsko-hornjoserbskeho słownika (NHS, 1989/1991): Tutón w Instituće za serbski ludospyt nadźěłany słownik wobsahuje tójšto hornjoserbskeje leksiki, kotraž njeje ani w staršich ani w nowšich słownuikach registrowana (na testach bazowace trochowanje: ca. 15–20 000 nowych leksemow). Hakle zjimanje leksiki z Prawopisneho słownika (Völkel) a NHS wotbłyšćuje hromadźe z hižo integrowanym Słownikom noweje leksiki někak dospołny wobraz načasneho hornjoserbskeho słowoskłada, dalokož je w słownikach registrowany.
(b) Datowa baza wobkedźbuje swójske mjena jenož zdźěla. Toje je wosebje problematiske, dokelž maja tež tute pomjenowanja fleksiske formy a systematiske wotwodźenki. Po přikładźe mjenoweho modula delnjoserbskeje prawopisneje kontrole, wobdźěłaneho w lěće 2017 In Anlehnung an das 2017 ma so tutón wobstatk systematisce rozšěrić, wosebje hladajo na wosobowe, ale tež na geografiske mjena. Zezběrany material hromadźi so w datowej bance hornjoserbskich swójskich mjenow.

Wuslědki

• julij 2019: rozšěrjenje: Serbske předmjena ; medijowa zdźělenka
• februar/meja 2020: integracija noweje leksiki z “Rěčnych kućikow” a “Datoweje banki eksonymow”
• januar 2021: integracija leksiki z DOW 1989/1991

Nawod projekta: Dr. habil. Sonja Wölkowa
Na projekće wobdźěleni: Richard Bígl, Bernhard Baier (eksterny)