Prototyp na korpusowych tekstach bazowaceje hornjoserbskeje digitalneje biblioteki: Zhromadźene spisy Handrija Zejlerja (historiske wudaće 1883–1891)

Zaměr je wozjewjenje prototypa hornjoserbskeje, na korpusowych tekstach bazowaceje digitalneje biblioteki, po přikładźe delnjoserbskeje biblioteki, na kotrejž so wot kónca 2019 dźěła. Za hornjoserbski wotpowědnik hodźa so know-how a techniske rozrisanja přewzać a přiměrić. Wuběr tekstow, kotrež maja so spřistupnić, je motiwowany přez jubilejne lěto Zejlerja a Kocora 2022. Projekt je zdobom najwažniši přinošk SI k mjenowanemu jubilejej. Digitalnje spřistupnić ma so historiske, štyrizwjazkowe wudaće zhromadźenych spisow Handrija Zejlerja, kotrež je so mjez 1883 a 1891 publikowało.