2./3. meja, Budyšin: 5. zetkanje syće sorabistiskeho akademiskeho dorosta

termin: 02.05.2025 - 03.05.2025

Městno zarjadowanja: Serbski institut, Dwórnišćowa 6, 02625 Budyšin

Serbski institut přeprošuje pjaty raz na „tworjenje syćow“ a nawjazanje kontaktow do Budyšina. W srjedźišću zetkanja stejitej interdisciplinarna wuměna a splećenje młodych slědźacych, kotřiž so regionalnje abo tematisce ze Serbami zaběraja abo to planuja.

Na dwudnjowskim zarjadowanju maće składnosć swoje slědźerske předewzaća prezentować a diskutować. Fachowospecifiske přinoški z linguistiki, kulturnych wědomosćow, stawizniskeje wědomosće a dalšich disciplinow su runje tak witane kaž transdisciplinarne projekty z přirunowaceho mjeńšinoweho slědźenja a wobłuka Digital Humanities. Tež wuměłske abo hudźbne přinoški su eksplicitnje witane. Kak waše slědźerske předewzaće (seminarne, bachelorowe, masterske, magisterske abo doktorske dźěło) předstajiće, je wam přewostajene. Nimo toho chcemy dale wo wuměnjenjach a perspektiwach interdisciplinarneho zhromadneho dźěła rozmyslować.

Dźěłowe rěče su němčina, hornjo- a delnjoserbšćina kaž tež jendźelšćina.

Přizjewjenje:

Přizjewić móžeće so hač do 28.02.2025 pod tutym linkom. Za planowanje zarjadowanja prosymy Was někotre prašenja wo Wašej wosobje a Wašim slědźerskim předewzaću wotmołwić.

 

Nachwilny program:

 

Pjatk, 02.05.2025

09:00-09:30   Přichad

09:30-09:45   Witanje a organizatoriske wěcy

09:45-10:15   Zeznać

10:15-10:30   Kofejowa přestawka

10:30-12:00   Panel 1 – Rěčne a regionalne wuwiće, moderacija: Sophie Rädel

• Alexander Torka
• Antonia Sipeer
• Daniel Häfner-Kamjenaŕ

12:00-13:15   Wobjedowa přestawka

13:15-15:15   Panel 2 – Rěč a wuknjenje rěče, moderacija: Jan Bogusz

• Alena Pawlikec
• Denise Hornig
• Sophie Rädel
• Sofija Brězanec

15:30-16:00   Kofejowa přestawka

16:00-17:00   Meet the Scientist z wědomostnicami a wědomostnikami Serbskeho instituta

17:00-18:00   Wječorne zarjadowanje (Serbski muzej)

19:00- open  Wječer

 

 

Samstag, 03.05.2025

09:00-09:15   Witanje

09:15-10:15   Panel 3 – Serbšćina w multilingualnych kontekstach, moderacija: Marleen Schindler

• Lydija Matikec
• Bartłomiej Szawulak
• Jan Bogusz

10:15-10:30   Kofejowa přestawka

10:30-12:15   Panel 4 – Sociokulturne fenomeny we Łužicy, moderacija: Lydija Matikec

• Jordan Oelke
• Marleen Schindler
• Ana María Bergholz

12:15-12:30   Zakónčace koło

12:30-13:00   Wobjedowa přestawka

13:00-14:00   Diskusija k zakótwjenju sorabistiskeho slědźerskeho kolokwija