Wědomosć za wšitkich

Maćica Serbska · Maśica Serbska po 1990
wud. Anja Pohončowa, Theresa Jacobsowa, Ines Kellerowa

196 stron. 52 wobrazow/grafikow. A5-brošura

ISBN: 978-3-948166-89-2 (print), 978-3-948166-88-5 (online)
Płaćizna: 12,00 €
lěto wudaća: 2024

Wobsah

Serbskorěčny zběrnik mjezynarodneje konferency “WĚDU ŠĚRIĆ · WISSEN SCHAFFEN · WĚDU ŠYRIŚ” składnostnje 175.róčnicy załoženja Maćicy Serbskeje 25. a 26. nowembra 2022 w Budyšinje

Kooperaciski partner: Maćica Serbska | Maśica Serbska

Wo knize:

Maćica Serbska, załožena w lěće 1847 w Budyšinje, je najstarše serbske towarstwo z bohatymi stawiznami. Ze swojim wobnowjenjom po politiskim přewróće 1989/90 staji sej mjez druhim nadawk, wědomostnu zaběru ze stawiznami, rěču a kulturu Serbow spěchować a sorabistisku wědu šěrić.

Na mjezynarodnej konferency »WĚDU ŠĚRIĆ · WISSEN SCHAFFEN · WĚDU ŠYRIŚ« 25. a 26. nowembra 2022 składnostnje 175. róčnicy dozałoženja Maćicy Serbskeje wěnowachu so referentki a referenća z tu- a wukraja wosebje wožiwjenju a dźěle towarstwa tutoho časa. Předležacy zběrnik dokumentuje wobšěrne skutkowanje Maćicy Serbskeje / Maśicy Serbskeje w zašłych 30 lětach a zdobom wuslědki konferency. Z tym wudospołnja w lěće 1997 wudatu knižku „Trać dyrbi Serbstwo“ wo staršich stawiznach towarstwa.

Jako 38. zešiwk wuńdźe zběrnik z přinoškami 18 awtorkow a awtorow w Małym rjedźe Serbskeho instituta. Wudawaćelki – dr. Anja Pohončowa, dr. Theresa Jacobsowa a dr. Ines Kellerowa – su sobudźěłaćerki Serbskeho instituta a zdobom čłonki Maćicy Serbskeje.

Zešiwk jako pdf-ka