Kulturelle Sicherheit in zweisprachigen Gemeinden

am Beispiel der drohenden Nichteinrichtung einer fünften Klasse in Radwor/Radibor 2005
Karoline Brützel
wud. Serbski institut

115 str. A5-brošura

ISBN: 978-3-948166-90-8
Płaćizna: 8,00 €
lěto wudaća: 2024

Wobsah

Přełožk titula: Kulturelna wěstota w dwurěčnych gmejnach na přikładźe Radworskeje šule, hdźež hrožeše 2005 strach, zo so nowy 5. lětnik hižo njedowoli

Swobodny stat Sakska zaruča w swojich wustawkach (art. 6, wotr. 1) Serbam prawo na zachowanje swojeje identity kaž tež na hajenje a wuwiwanje serbskeje rěče a kultury, a to wosebje z pomocu šulow a dalšich zarjadnišćow. Najebać to běchu spočatk 21. lětstotka někotre serbske srjedźne šule falowacych šulerjow dla wohrožene, mjez nimi srjedźne šule w Chrósćicach, Pančicach-Kukowje a Radworju. Dźakowano pozitiwnemu rozsudej Sakskeho wyšeho zarjadniskeho sudnistwa pak so srjedźna šula w Radworju jako jenička zachowa.

Tuta situacija bě wuchadźišćo za Karoline Brützel, kotraž wjedźeše za swoje slědźenje dźesać interviewow z tehdy potrjechenymi wo podawkach, prawniskich wuměnjenjach kaž tež wosobinskich nazhonjenjach a swójskim hódnoćenju. Wobsahi rozmołwow přirjadowaše wona wšelakim runinam koncepta kulturneje wěstoty. Analyza pokaza, zo dyrbi so kulturelna wěstota w mjeńšinowym konteksće přeco zaso znowa wujednać. Čitarki a čitarjo dóstanu z předležacym dźěłom hłuboko sahace dohlady do stawiznow a nazhonjenjow tehdy wobdźělenych. Skedźbnja pak so zdobom na diskrepancy mjez pozitiwnje pohódnoćenym politisko-prawniskim połoženjom na jednej a woprawdźitym přesadźenjom a zaznawanjom w žiwej praksy na druhej stronje.

Zešiwk jako pdf-ka