Nahrawanja rjadu čitanjow “Njewuhojeny swět. Zničenje a wobnowjenje w bajce” su hač do kónca lětnjeho semestra přistupne
Městno zarjadowanja: TU Drježdźany, Wienska dróha 48 (Fakulta rěčne, literarne a kulturne wědomosće), rumnosć 0.04
organizacija: dr. Juliane Rehnoltowa, dr. Susanne Hozyna
Nahrawanja přednoškow: www.youtube.com (playlist na oficialnym youtube-kanalu Serbskeho instituta)
Zběrnik: Tuchwilu přihotuje so zběrnik, w kotrymž so jednotliwe přinoški wozjewja.
Serbski institut Budyšin přeprošuje zhromadnje z Techniskej uniwersitu Drježdźany (TUD) a bajkowej załožbu Walter Kahn, kotraž zarjadowanje financielnje podpěruje, na rjad čitanjow “Die unheile Welt. Zerstörung und Erneuerung im Märchen” (Njewuhojeny swět. Zničenje a wobnowjenje w bajce).
Bajki su stawiznički zboža, kotrež maja swoje wuchadźišćo w njezbožu. Dźěsću wumrěje mać, bratřa so do ptačkow přeměnja a kralowske dźowki so wot zmija rubja. Bajki powědaja přikładnje wo mylenju wobstejaceho porjada a wo přewinjenju tuteje krizy. W popularnym powědanju zawinujetej so zničenje a wobnowjenje mjez sobu: Ze zbytkow morjenych rostu pomocliwe rostliny, rozkuskowane wopory wotuća z pomocu magiskich objektow k nowemu žiwjenju, ludźo w zwěrjećej postawje so přez namóc wumóža. Mnohe motiwy wosudnych powědančkow wotbłyšćuja nazhonjenja ludźi z přirodu, kotraž so prawidłownje sama wobnowi, ale tež jich přeće za wustrowjenjom, womłodźenjom a přewinjenjom smjerće.
Fachowcy z Němskeje, Awstriskeje a Šwicarskeje wěnuja so antropologiskemu wuznamej swěta, kotryž so w bajce a druhich formach popularneho powědanja jako NJEWUHOJENY inscenuje. Referenća přepytuja teksty po dialektice zničenja a wobnowjenja a skića wułoženja a perspektiwy slědźenjow wo bajkach a powěsćach.
Koordinaty a pokiwy
Zjawny rjad čitanjow wotměwaše so w zymskim semestrje 2023/24, stajnje srjedu wot 16.40 do 18.10 hodź. Rjad je so přidatnje w livestreamje přenjesł (hač na zarjadowanje 29.11.2023). Nahrawanja su – dalokož móžno – přez youtube-kanal Serbskeho instituta wozjewjene (direktny wotkaz přez titul přednoška w lisćinje jednotliwych terminow tu deleka).
Terminy zarjadowanjow
Zjeće resp. krótke wopisanje přednoškow namakaće na němskej wersiji stronki.
- 18. oktobra, dr. Susanne Hozyna, Serbski institut Budyšin:
Feuer, Wasser und Posaunen. Heil und Unheil im Märchen. Einführung - 25. oktobra, prof. dr. Holger Ehrhardt, uniwersita w Kasselu:
Schuld und Sühne in den Kinder- und Hausmärchen der Brüder Grimm - 1. nowembra, prof. dr. Holger Kuße, TU Drježdźany:
Von der Erde zu sich selbst. Karl Mays märchenhafter Orient - 8. nowembra, prof. dr. Alfred Messerli, uniwersita w Zürichu:
“Der König und Maruzza aber lebten noch lange reich und getröstet, und wir sind hier sitzen geblieben.” Das Märchen von Ohimè aus der Sammlung sizilianischer Märchen (1870) - 15. nowembra, dr. Jenny Hagemannowa, Serbski institut Choćebuz:
Verschlinger, Zerstörer, Bewahrer, Superheld. Der Wandel populärer Dracula-Erzählungen am Beispiel von Gary Shores “Dracula Untold” (2014) - 29. nowembra (žadyn livestream!), prof. dr. Hans-Jörg Uther, Nižosakska akademija wědomosćow w Göttingenje, zhromadnje z powědarku Angelika Schreurs, Düsseldorf:
Extreme Situationen: Märchen und Sagen als moralische Instanzen - 6. decembra, dr. Dorota Sadowska, uniwersita we Waršawje:
Die unheile Welt. Polnische Kinder erzählen in Zeichnungen vom Krieg - 13. decembra, prof. dr. Kristin Wardetzky, Uniwersita wuměłstwow Berlin:
KRIEG. Die Vernichtung Trojas in Epen und Dichtungen des antiken Griechenlands - 10. januara, dr. Annette Teufel, TU Drježdźany:
“In dem Boden klaffte ein dunkler Spalt…” – Topografien des Un-Heils in den modernen Mythen Paul Adlers - 17. januara, dr. Helmut Groschwitz, Institut za ludowědu, Mnichow:
“der lose zusammenhang des rettbaren” – Jacob Grimm postkolonial gelesen - 24. januara, prof. dr. Bernd Rieken, priwatna uniwersita Sigmunda Freuda we Wienje:
Die Natur als Bedrohung in der populären Überlieferung - 31. januara, prof. dr. Harm-Peer Zimmermann, uniwersita w Zürichu:
Gewalt im Märchen. Was haben die Brüder Grimm dazu gesagt?
Nowinska informacija k zazběhej rjadu čitanjow (wot 17. oktobra 2023).
Plakat a baner
