Serbska młodźina w ČSR 1945–1950

Projekt wusměrja so na žiwjenske swěty młodych ludźi, kotřiž wopytachu w lětach 1945 do 1950 we wobłuku čěsko-serbskeho šulskeho kubłanskeho projekta wyšše šule w Čěskosłowakskej. Na šěrokim žórłowym zakładźe a zepěranym na teorije sociologije młodźiny praša so projekt za motiwami a možnosćemi jednanja předewšěm młodostnych protagonistow. Při tym projekt tež přepytuje, hač a kak je so pod wuměnjenjemi bjezposrědnjeho powójnskeho časa „generacija“ serbskich aktiwistkow a aktiwistow wutworiła.

Tutón projekt je dźěl interdisciplinarneho třěšneho projekta „Varnsdorfske časy“. Čěsko-serbski šulski kubłanski projekt w konteksće powójnskeho časa 1945-1950.