4. apryla: nóc bibliotekow

termin: 04.04.2025 18:00 - 22:00 hodź.

Městno zarjadowanja: Serbski institut Serbska centralna biblioteka Dwórnišćowa 6 02625 Budyšin

Pjatk dnja 4. apryla 2025 wobdźěli so Serbska centralna biblioteka prěni raz na cyłoněmskej „nocy bibliotekow“. Pod motom „wědu dźělić a sej wotkryć“ („Wissen.Teilen.Entdecken.“) wotewri Serbska centralna biblioteka zajimcam mjez 18.00 a 22.00 hodź. swoje durje.

program

• 18.00 hodź. zahajenje „nocy bibliotekow“ a wotewrjenje kabinetneje wustajeńcy k dźěławosći nakładnistwa Lusatia
• 18.45 hodź. dr. Robert Lorenc předstaji Arnošta Mukowu „Statistiku łužiskich Serbow“ z lěta 1886, w němskej rěči
• 19.15–21.00 hodź. krótke a zabawne čitanja na njewšědnych městnach, prěki a podłu po našich wobstatkach, w serbskimaj rěčomaj a němsce
• 21.30 hodź. wjedźenje přez bibliotekske rumnosće

nimo toho:

• Serbska centralna biblioteka a Serbski kulturny archiw informujetej wo dźěławosći, móžnosćach rešeršowanja a wužiwanja
• „Serbska murja“ pokaza „Stawiznak“-wideja a přeprošuje zajimcow so w hrě „QuizSerb“ wubědźować
• Wzmiće sej originalne wudaće Noweje doby wašeho narodninskeho dnja sobu domoj (lětniki 1956–1970, po poskitku)
• přehladajće poskitk našeho antikwariskeho blida

Serbska centralna biblioteka a Serbski kulturny archiw wobdźěla so na cyłoněmskej nocy bibliotekow.

Zarjadowanje Serbskeho instituta na stronkach cyłoněmskeje akcije.