30. apryla, šulerske wubědźowanje: SERBINIADA. Serbšćina zwjazuje – serbšćina zwězujo – Sorbisch verbindet

termin: 30.04.2025 09:00 - 15:00 hodź.

Městno zarjadowanja: Serbski muzej, Hród 3, 02625 Budyšin

SERBINIADA

…je serbsku rěč přesahowacy a słowjanske rěče zwjazowacy šulerski projekt, kotryž ma dać serbšćinu wuknjacym dohlad do dalšich słowjanskich rěčow a wotkrywać paralele hornjoserbšćiny k delnjoserbšćinje a k slepjanšćinje.

Serbiniada ma zrozumjenje rěčow a sposrědkowanje rěčow spěchować.

Planowane su rěčne wubědźowanja kołowokoło kultury, jědźe, medijow, hudźby, wuměłstwa a rěčnych zhromadnosćow w měšanych skupinach.

• zwonkašulske šulerske wubědźowanje
• za šulerki a šulerjow 8. lětnikow z Hornjeje a Delnjeje Łužicy kaž tež ze Slepjanskich kónčinow, kiž serbšćinu wuknu
• prěnje zarjadowanje w tutym formaće
• Projekt bu w lěće 2024 we wubědźowanja idejow “Rěč zwjazuje. Rěc zwězujo. Sorbisch verbindet” Załožby za serbski lud  z najwyšim mytowanskim pjenjezom wuznamjenjeny.
• zhromadne zarjadowanje Serbskeho instituta a Serbskeho muzeja, z podpěru Serbskeho šulskeho towarstwa, Rěčneho centruma Witaj a studija “Lucija”

organizacija: dr. Jana Šołćina

Projekt spěchuje Załožba za serbski lud, kotraž dóstawa lětnje přiražki z dawkowych srědkow na zakładźe hospodarskich planow, kotrež su Němski zwjazkowy sejm, Krajny sejm Braniborskeje a Sakski krajny sejm wobzamknyli.