Fiktive Welten auf Postkarten

Sorben in der Massenkultur
Marja Měrćinowa

136 stronow. A5-brošura. 94 barbnych wobrazow

ISBN: 978-3-9808608-9-5
Płaćizna: 7,50 €
lěto wudaśa: 2009

Wopśimjeśe

Z dobywanim postowych kortkow na kóńcu 19. stolěśa su se teke postowe kortki z łužyskimi – specielnje pak ze serbskimi motiwami – wudawali. Toś tu nowu formu mjazsobneje korespondence su luźe tencas wjelgin derje pśiwzeli, pśedewšym pśiběrajucy a rozkwitajucy turizm jo tym pisanym kórtkam k wósebnemu rozmachoju pśipomagał. Wótněnta jo było wjelika moda, w elektriskej, zeleznicy, piwowej zagroźe abo samo w pśibrjoznem košu sejźecy, tym lubym a znatym w domowni póglědnicy pisaś. Kulturna wědomnostnica dr. Marija Mirtšinowa wót Serbskego instituta w Budyšynje jo se wenowała wuslěźenjeju togo masowego fenomena a jo pśi tom wósebnje na serbske nastupnosći glědała. W swójej publikaciji „Fiktive Welten auf Postkarten. Sorben in der Massenkultur“, wopisujo dr. Mirtšinowa wuznam, kótaryž su serbske motiwy na postowych kortkach zabrali. Pśi tom jo rowno tak pśedstajenje Serbow pśez cuzych, akol teke samsepśedstajenje Serbow we wónem mediumje pśepytowała. Na jadnom boce su se wobrazy wó Serbach z postowymi kortkami w njeznatej licbje rozšyrjowali, na drugem boce pak su teke Serby sami wopytali z pomocu póglědnicow swoju identitu zwurazniś a za to serbske narodne gibanje funkcionalizěrowaś. Nowe knigły pódawaju nadrobne zawjeźenje do stawiznow serbskich postowych kortkow w pśirownowanju k powšyknemu wuwiśu. Mimo togo wopśimuju dokradne analyze jadnotliwych póglědnicow ze serbskimi motiwami a wobšyrny źěl z wobrazami.