Digitalny portal k serbskim a łužyskim rěcnym a kulturnym krajinam
We tom projekśe dej serbske kulturne derbstwo w Dolnej Łužycy se wobšyrnje a digitalnje registrěrowaś, wopisaś a slědkoju we wěcejrěcnem online-portalu pśedstajiś. Głowne wótmyslenje projekta jo wědomnostne zběranje datow, jich wobźěłanje kaž teke prezentacija informacijow k serbskim aspektam Dolnołužyskeje kulturneje krajiny ‒ za wědomnostniki, ale teke za interesěrowane luźe a regionalne aktery na pśikład na pólu kulturnego źěła towaristwow, kulturnego kubłanja, kulturnego turizma a kulturnego a kreatiwnego góspodaŕstwa. Na ten part dej serbske rěcne a kulturne derbstwo regiona se widobnjejše wucyniś a tejerownosći se wuchowaś za pśiduce generacije a k jich wužytkoju jim k dispoziciji stojaś. Nejskerjej budu se daty na serbowědnem portalu Sorabicon prezentěrowaś. Zachopjeńk projekta jo był na 1. juliju 2022.
Projekt pśewjeźo se nejpjerwjej raz w Dolnej Łužycy (Bramborska). Jo pak pśedwiźone, w pśichoźe nanejmjenjej sakski źěl Górneje Łužyce zapśimjeś. Do projekta zapśimjeś budu se wuslědki a nazgónjenja slědujucych južo wótzamknjoneju projektow:
- Walorizacija imaterielnego kulturnego derbstwa w nimsko-słowjańskem konteksće
- Rěčna krajina Slepo. Koncepcija a wuwiće prototypa za informaciski portal wo serbskich rěčnych krajinach
W prědnej fazy cełkownego pśedewześa (2023 až do 2025) wobźěłujo se pěś źělnych projektow. Toś te se pśirěduju, wótpowědujucy jich wopśimjeśowemu wusměrjenju, slěźeńskima wótrědoma rěcywěda a kulturne wědomnosći. W prědnej fazy cełkownego pśedewześa (2023 do 2025) se pěś źělnych projektow wobźěłujo. Toś te se pśirěduju wótpowědujucy jich wopśimjeśowemu wusměrjenju slěźeńskima wótrědoma rěcywěda a kulturne wědomnosći. Cełkowne pśedewześe nawjedujo direktor instituta prof. dr. Hauke Bartels, kulturnowědomnostne źělne projekty nawjedujo dr. Friedrich Pollack. Techniske wobstaranje (Marek Slodička) ako teke transfer wědy a zjawnostne źěło (Madlen Domašcyna) pśewjedu se modul pśesegajucy za ceły projekt.
Źělne projekty
- Praktiki imaterielnego kulturnego derbstwa w Dolnej Łužycy
- Materielne znankstwa serbskeje kultury w Dolnej Łužycy
- Dolnoserbske pismojstwo – inwentarizacija, pśigótowanje, spśistupnjenje a wugódnośenje
- Serbske mjenja w Dolnej Łužycy
- Serbske elementy rěcneje krajiny Dolna Łužyca
Pśedewześe se spěchujo wót Załožby za serbski lud pśez srědki Zwězkowego ministaŕstwa za nutśikowne a domownju na zakłaźe wobzamknjenja Zwězkowego sejma.
Wuslědki
- prezentacija projekta a wšyknych modulow na forumje a na wikach k temje serbska digitalna kultura něnto a we pśichoźe, 20./21. měrca 2025
- prezentacija pśedewześa a wšyknych modulow w posterowej wustajeńce na Institutnem dnju 2023
Medijowe informacije k projektoju (wuběrk):
- Kickoff nowego dłujkocasowego slěźaŕskego projekta k serbskim aspektam
- Dolnołužyskeje kulturneje krajiny (02.09.2022)
- “A serbski?” – Serbski institut pśeslěźujo dolnołužysku rěcnu krajinu (14.02.2023)
- Serbska rěc – dobra wěc za marketing? (11.07.2023)
- Materielne znankstwa serbskeje kultury w cełej Dolnej Łužycy se dokumentěruju – prědna stacija: Chóśebuz (20.07.2023)
- Žemr, Lindroz a Njamašklěb – 200 dolnoserbskich městnych mjenjow z pólskego źěła Dolneje Łužycy a nowe rozkłaźenja w serwisoju “Dolnoserbske mjenja” wózjawjone (16.02.2024)
- Dolnoserbske mjenja na boce dolnoserbski.de wótněnta z kórtu (29.01.2024)
Ultima Raka – Reportaža linguista wó wósebnem fanklubje (22.11.2024)
Wjednistwo projekta: Hauke Bartels, Friedrich Pollack
Na projekśe wobźělone: Hans-Peter Ederberg, Šyman Blum, Stephanie Bierholdtec , Pětš Šurman, Marek Slodička, Kito Kśižank, Joanna Szczepańska , Katja Atanasov, Madlen Domašcyna, Evan Bleakly, Fabian Jacobs, Ines Kellerowa , Marcin Szczepański, Wencke Nebatz (nachylu njepśibytna), Tobias Preßler, Juliana Kaulfürst (až do 12/22)
Spěchowarje
