Pówušenje kwality za dolnoserbsku pšawopisnu kontrolu: Rozšyrjenje zakłada datow I (projekt z tśeśich srědkow) (CB)

Južo 2015 jo se naźěłała prědna wersija datoweje bazy za aplikaciju pšawopisneje kontrole za dolnoserbšćinu, kótaraž jo se mjaztym pśistupniła. Zakład datow za wuwiśe jo był DNW . Za rozšyrjenje zapśimjetego słowoskłada a stakim za pólěpšenje wugbałosći wótpowědnych aplikacijow ma se datowa baza nejpjerwjej rozšyriś wó słowoskład dolnoserbsko-nimskego słownika (Starosta 1999) (faza I). Toś ta a dalšne móžne fazy wutwari maju se sfinancěrowaś we wobłuku inciatiwy za zmócnjenje serbskosći w „nowych medijach“, kótaruž koordiněrujo tuchylu Załožba za serbski lud a kótaruž njaso rěd serbskich institucijow – mj. dr. Serbski institut (pśir. modul „referencnej korpusa“ ). Njeglědajucy na generelne pśizwólenje srědkow jo móžno, až móžo se glědajucy na formelne zadory (financěrowańske směrnice za sakske financne srědki) akle 2017 zachopiś z toś tymi napšawami, ako se póśěguju na dolnoserbšćinu.