Dialektalny słowoskład w Mukowem Słowniku dolnoserbskeje rěcy a jeje narěcow

Mukowy słownik jo jaden z nejwobšyrnjejšych słownikow dolnoserbšćiny. Wón jo měł za wuwiśe pisneje rěcy wurědny wuznam. Zakładne slěźenja k dialektalnej leksice, ako jo do słownika zapśimjeta, njejsu ale dotychměst eksistěrowali. Z pomocu digitalneje wersije togo źěła jo mógło tomu se wótpomoc. Słowoskład, kótaryž jo w słowniku ako dialektalny (resp. regionalny) wóznamjenjony, jo se registrěrował, wót Muki pśewjeźone pśirědowanje leksemow konkretnym dialektam jo se bližej wobswětliło. Jo se mógło pokazaś, kótare dialekty w słowniku eksplicitnje se wobspomnjeju a lěc dajo kwantitatiwne resp. kwalitatiwne rozdźěle pśi wobjadnawanju danych dialektow. Projekt pódajo k tomu nanejmjenjej za wěsty wobłuk dopóznaśa wó metarěcy, kótaruž Muka jo wužywał.