Prezentacija knigłow, wałtoru 21. nowembra, w Grodku: Serbske drogotki

termin: 21.11.2023 17:00 zeger

Městno zarědowanja: Dolnołužyski gólański muzej – swěźeński sal, Grodowy wobceŕk 3, 03130 Grodk

K prezentaciji knigłow “Der Landkreis Spree-Neiße und seine sorbische/wendische Kulturgeschichte. Der Altkreis Spremberg” su wšykne zajmowane wutšobnje pśepšosone.

W ediciji Chóśebuskego Serbskego muzeja “Serbske drogotki/Sorbische Kostbarkeiten” jo w lěśe 2023 drugi zwězk k serbsko-nimskej historiji togo wokrejsa wujšeł. Fokus lažy na twaŕskej a žywjeńskej kulturje w něgajšnem wokrejsu Grodk. Awtorski team – Katja Atanasowa, Alfred Roggan a Pětš Šurman – dajo stawizniski pśeglěd a specielnje k wuwiśu na pólu kubłanja a cerkwinego žywjenja. Teke sedlaŕska struktura a twarske wósebnosći se wopisujotej. Cytaŕ/cytaŕka dostanjo informacije k wósobam, kenž su za to serbske statkowali. Publikacija jo zgromadny projekt Serbskego muzeja a Serbskego instituta w Chóśebuzu.

Awtorski team a wudawaśelka Martina Nowakojc prezentěruju knigły.

Zastup: 4,00 euro