Drogowańska wustajeńca: “Lichota kiwa! Serby a mjeńšynowe pšašanje pó 1918” w Pódstupimje

termin: 10.01.2023 - 09.03.2023

Městno zarědowanja: Krajny sejm Bramborska – Foyer, Stare wiki 1, 14467 Pódstupim

Serby su narodna mjeńšyna bźez swójskego stata. Jich sedleński rum jo Łužyca, region w krotkem zajtšu Bramborskeje a źěły pódzajtšneje Sakskeje, w direktnem susedstwje a z wuskimi póśěgami do Českeje a Pólskeje.

Pominanja za awtonomiju a narodneju njewótwisnosću mjazy Serbami wót 19. stolěśa pśiběraju. “Lichota kiwa” se groni naźeje połnje na zachopjeńku
1919, gaž se europska kórta pó kóńcu Prědneje swětoweje wójny wótnowotki rědujo.

Drogowańska wustajeńca Serbskego instituta “Lichota kiwa! Serby a mjeńšynowe pšašanje pó 1918” pśedstajijo cas rozkwiśenja serbskich narodnych procowanjow mjazy swětowyma wójnoma. Pśi tom wustupujuce pšašanja za kolektiwnym samopóstajenim, za tolerancu a wurownanju zajmow mjazy mjeńšynu a wětšynu su až do źinsajšnego aktualne.

Swětocne wótwórjenje dnja 10. januara 2023, zeger 18.00:

• póstrowjenje:
  prof. dr. Ulrike Liedtke, prezidentka krajnego sejma Bramborskeje
  Prof. dr. Hauke Bartels, direktor a wjednik wótrěda rěcywěda
• zawjeźenje:
  Dr. Friedrich Pollack, wjednik wótźělenja kulturne wědomnosći
• wuměłski pśinosk:
  Les Connaisseurs (Barliń)

Wustajeńca w foyeru krajnego sejma Bramborskeje jo wót 11. januara až do 9. měrca 2023, pónjeźele do pětka wót zeger 8:00 do 18:00 wótwórjona. Na kazniskich swěźenjach wóstanjo wóna zamknjona.

Wustajeńca jo se spěchowała wót Ministaŕstwa za wědomnosć, slěźenje a kulturu kraja Bramborska, Sakskego statnego kněžaŕstwa, Nimsko-českego fondsa za pśichod / Čěsko-německý fonds budoucnosti a wót Załožby za serbski lud, kótaraž dostawa lětnje pódpěru z dankowych srědkow na zakłaźe góspodaŕskich planow, wobzamknjonych wót Zwězkowego sejma, Krajnego sejma Bramborskeje a Sakskego krajnego sejma.

<a href=”/?p=4777″>Dalšne informacije</a>