Zejźenje “Dobre (serbske) žywjenje – perspektiwy wuwiśa za Łužycu”

termin: 26.11.2016 11:00 - 18:00 zeger
Městno zarědowanja: Senatowa žurla BTU w Chóśebuzu,

Debata wó pśichodnosći Łužycy – wósebnje »pó wuglu« – se rozwija. Źož glědaju młoge pśedewšym na spěchowanje góspodarstwa, comy z našym zejźenim zasej stupiś kšac slědk a se pśiwobrośiś kulturelnym potencialam Łužyce. Comy glědaś na lokalne a regionalne identity a z togo wótwóźowaś a diskutěrowaś perspektiwy wuwiśa za Łužycu. Regionalna identita jo klucowy element za zinstitucionalizěrowanje regiona a wuměnjenje za regionalnopolitiske jadnanja, kótarež deje bazěrowaś na tom, až wusměrjuju lokalne aktery ze swójskeju motiwaciju samostatnje swójo jadnanje pó nadrědowanych celach.