Dolnoserbske rěcne pomniki až do srjejźi 19. stolěśa a staw jich pśeslěźowanja

Za dolnoserbšćinu eksistěrujo w pśirownanju z drugimi rěcami jano mało rěcnych pomnikow. Weto njejo wjeliki źěł znatych rukopisow a śišćow dotychměst rěcywědnje se wobźěłał, pla wšakich njejo tuchylne pśebywalnišćo z wěstosću znate. Projekt co napóraś wobšyrny komentěrowany zapis znatych dolnoserbskich rěcnych pomnikow, kótaryž ma teke dokumentěrowaś, kótare pomniki su do kakeje měry rěcywědnje južo se wobźěłali.