2./3. maja, Budyšyn: 5. zmakanje seśi sorabistiskego akademiskego dorosta
termin: 02.05.2025 - 03.05.2025
Městno zarědowanja: Serbski institut, Dwórnišćowa 6, 02625 Budyšyn
Serbski institut pśepšosyjo pěty raz wědomnostny dorost na wuměnu do Budyšyna. W srjejźišću zmakanja stojtej interdisciplinarna wuměna a mjazsobne póznawanje slěźaŕkow a slěźarjow, kenž se ze Serbami zaběraju z regionalnego abo specifiski tematiskego wiźenja abo kenž take źěło planuju.
Dwa dnja změju wobźělnice a wobźělniki góźbu, aby swóje slěźenja pśedstajali a diskutěrowali. Witane su pśinoski ze wšakich wědomnostnych pśedmjatow, z rěcywědy, kulturnych wědomnosćow a stawiznow rowno tak ako z transdisciplinarnych pśedewześow z pśirownujucych mjeńšynowych slěźenjow abo z wobłuka digital humanities. Teke wuměłske abo muzikaliske pśinoski su eksplicitnje witane. Pśedstajenje slěźeńskich pśedewześow (na pś. seminarowe, bachelorowe, masterske abo doktorske źěło) jo we wšakorakich formatach móžno. Mimo togo comy dalej wó wuměnjenjach a perspektiwach interdisciplinarnego zgromadnego źěła diskutěrowaś.
Zmakanje wótmějo se w górno- a dolnoserbskej, nimskej a engelskej rěcy.
Pśizjawjenje:
Pśizjawśo se pšosym až do 14.02.2025 wěžucnje pśez how stojecy link.
Za planowanje zarědowanja pšosymy Was, na někotare pšašanja k Wašej wósobje a Wašomu slěźeńskemu pśedewześeju wótegroniś.
Program a jadnotliwe panely planujomy pó wobzamknjenju pśizjawjenja a pó wótgłosowanju z wobźělnikami. Wobgranicowana licba dermotnych pśenocowanjow stoj k dispoziciji. Ewentualne jězdne kosty njamógu se zarownaś.