2./3. maja, Budyšyn: 5. zmakanje seśi sorabistiskego akademiskego dorosta

termin: 02.05.2025 - 03.05.2025

Městno zarědowanja: Serbski institut, Dwórnišćowa 6, 02625 Budyšyn

Serbski institut pśepšosyjo pěty raz wědomnostny dorost na wuměnu do Budyšyna. W srjejźišću zmakanja stojtej interdisciplinarna wuměna a mjazsobne póznawanje slěźaŕkow a slěźarjow, kenž se ze Serbami zaběraju z regionalnego abo specifiski tematiskego wiźenja abo kenž take źěło planuju.
Dwa dnja změju wobźělnice a wobźělniki góźbu, aby swóje slěźenja pśedstajali a diskutěrowali. Witane su pśinoski ze wšakich wědomnostnych pśedmjatow, z rěcywědy, kulturnych wědomnosćow a stawiznow rowno tak ako z transdisciplinarnych pśedewześow z pśirownujucych mjeńšynowych slěźenjow abo z wobłuka digital humanities. Teke wuměłske abo muzikaliske pśinoski su eksplicitnje witane. Pśedstajenje slěźeńskich pśedewześow (na pś. seminarowe, bachelorowe, masterske abo doktorske źěło) jo we wšakorakich formatach móžno. Mimo togo comy dalej wó wuměnjenjach a perspektiwach interdisciplinarnego zgromadnego źěła diskutěrowaś.

Zmakanje wótmějo se w górno- a dolnoserbskej, nimskej a engelskej rěcy.

Nachylny program:

pětk, 02.05.2025

09:00-09:30   Pśichad
09:30-09:45   Witanje a organizatoriske wěcy
09:45-10:15   Wopóznanje
10:15-10:30   Kafejowa pśestawka
10:30-12:00   Panel 1 – Regionalne a rěcne wuwijanje, moderacija: Sophie Rädel
• Alexander Torka
• Antonia Sipeer
• Daniel Häfner-Kamjenaŕ
12:00-13:15   Połdnjowa pśestawka
13:15-15:15   Panel 2 – Rěc a wuknjenje rěcy, moderacija: Jan Bogusz
• Alena Pawlikec
• Denise Hornig
• Sophie Rädel
• Sofija Brězanec
15:30-16:00   Pójědank
16:00-17:00   Meet the Scientist z wědomnostnikow a wědomnostnicow SI
17:00-18:00   Wobejźenje w Serbskem muzeumje
19:00- open   Wjacerja

sobotu, 03.05.2025

09:00-09:15   Witanje
09:15-10:15   Panel 3 – Serbšćina w multimedialnych kontekstach, moderacija: Marleen Schindler
• Lydija Matikec
• Bartłomiej Szawulak
• Jan Bogusz
10:15-10:30   Kafejowa pśestawka
10:30-12:15   Panel 4 – Sociokulturelne fenomeny w Łužycy, moderacija: Lydija Matikec
• Jordan Oelke
• Marleen Schindler
• Ana María Bergholz
12:15-12:30   Dokóńcna runda
12:30-13:00   Połdnjowa pśestawka
13:00-14:00   Diskusija wó pśichoźe sorabistiskego slěźeńskego kolokwiuma