20. měrca, Chóśebuz: “(Nje)Widobne derbstwo – Serbske wuměłstwo w zjawnem rumje Chóśebuza”
![Scena na serbskich wikach](https://www.serbski-institut.de/wp-content/uploads/2024/02/Wandmosaik-Sorbische-Marktszene.jpg)
Městno zarědowanja: Serbski institut, Wótźělenje za regionalne wuwiśe a mjeńšynowy šćit – konferencowa rumnosć, Pśi Grodowej cerkwi 2, 03046 Chóśebuz
Město Chóśebuz ma jadnorazny wobstatk serbskego wuměłstwa w zjawnem rumje. Lěc mozaiki, plastiki, sćěnowe wobraze abo studnje ze serbskimi motiwami – to kulturne derbstwo města jo za wšyknych widobne a za kuždego pśistupne.
Wótrěd za regionalne wuwiśe a mjeńšynowy šćit Serbskego instituta pśepšosyjo na pśedstajenje nejnowšeje publikacije „Walorizacija serbskego wuměłstwa w zjawnem rumje Chóśebuza“.
Zgromadnje comy móžnosći pówušonego gódnośenja a walorizacije wuměłskich objektow diskutěrowaś a wobłuki zmócnjonego zgromadnego źěła wuzbadaś.
Pó tom wótmějo se w kooperaciji z kuratorku Serbskego muzeuma, Christinu Kliemoweju, rozchójźowanje k wubranym wuměłskim objektam w centrumje města.
Pšosymy Was, se až do 15.03.2024 pód mejlku regmje@serbski-institut.de pśizjawiś.