Adwentski mark na Kloštaŕskem naměsće

termin: 03.12.2022 15:00 - 19:00 zeger
Městno zarědowanja: Chóśebuz, Kloštaŕske naměsto

“Adwentski mark na Kloštaŕskem naměsće” w Chóśebuzu póbitujo woglědowarjam wósebnu góźbu, dopominaś se na gódowne tradicije a gódnoty daloko pšec wót komerca a konsuma. Wšake powšyknowužytne a konfesionelne chóśebuske institucije źěłaju wob lěto zgromadnje pśi organizaciji marka a z tym stajaju znamje za kooperaciju, gromaduźaržanje a zwězanosć. Woglědowarje mógu wužytny cas pśežywiś, gromaźe basliś, spiwaś a se wjaseliś. Dary a nabranki dnja su lětosa za projekt “Cottbuser Tafel”.

“Wažne na swěśe su pśedewšym pomocniki – kaž teke pomocniki pomocnikow.” (Albert Schweitzer)