Rawpowa (Holanec), Lubina (1927–1964)

Raupp-Hollan, Lubina

* 23. 5. 1927 Budyšink + 2. 5. 1964 Drježdźany
Koncertna organistka

Dźowka Arnošta Holana; 1938-46 realny gymnazij w Budyšinje, tam wukubłanje na pišćele pola cyrkwinskeho hudźbneho direktora Horsta Schneidera w Budyšinje, 1947-48 studij na Wysokej šuli za hudźbu w Lipsku, 1948-53 pokročowanje studija na Praskim konserwatoriju pola Jiřija Reinbergera, kotryž ju 1949 do swojeje pišćeloweje rjadownje Akademije hudźbnych wuměłcow přiwza, 1954-56 aspi-rantka za pišćele pola Thomasoweho kantora Günthera Ramina w Lipsku, pódla toho so wudospołni pola Roberta Köhlera w hraću na cembalo a pola Amadeusa Webersinke na klawěr; 1956-64 hudźbnica w Budyšinje.
R. wobdźěli so na wuznamnych koncertnych zarjadowanjach, mjezynarodnych wurisanjach a hudźbnych festiwalach, 1951 wudoby sej prěnje myto w hudźbnym wubědźowanju čěskosłowakskich hudźbnych akademijow, 1955 slěbornu medalju na mjezynarodnym wubědźowanju organistow w Genfje; 1958 bu lawreatka mje-zynarodneho pišćeloweho wubědźowanja na Praskim nalěću. 1962 poby na turneji w Sowjetskim zwjazku a koncertowaše w Moskwje, Leningradźe, Rize, Tallinnje. Do jeje repertoirea słušachu mj. dr. twórby Johannesa Sebastiana Bacha, Maxa Regera, Paula Hindemitha a Johannesa Brahmsa.

ŽÓ./LIT.: R. Jenč, Nekrolog Nd 18, 105, 6. 5. 1964; D. Kobjela, Róla a wuznam interpretacije w muzice. In memoriam R 24 (1974). 6, str. 212-217; J. Rawp, Serbska hudźba, Budyšin 1978, str. 102-103

Link zum Datensatz in der GND: https://d-nb.info/gnd/130232734