Mucha, Pawoł (1890–1969)

Mucha, Paul

* 6. 2. 1890 Kulow / Wittichenau
† 22. 8. 1969 Dubrjenk / Dubring

Dźěłaćer w ratarstwje a hórnistwje, ludowy spisaćel, chronikar Kulowskich kónčin.

1904–11 ratarski pomocnik, 1911–19 wojak, 1919–27 hórnik we wuhlowej jamje, 1927–45 bur w Oberschönbrunnu pola Lubanja, 1945–61 industrijny dźěłaćer w Kulowje, 1961 na wuměnk.
Zajimowany za domiznu a jeje stawizny poča M. wjeski Kulowskeje wokoliny a jeje měšćanske srjedźišćo přeslědźić. Katolski Posoł w šěsćdźesatych lětach cyły rjad jeho detailnych přinoškow wozjewi. Tež do Noweje doby přinošowaše, mj. dr. z ilustrowanym nastawkom „Kulow – městačko pilnych ludźi“ (20. 7. 1968).

ŽÓ./LIT.: Gratulujemy – Katolski Posoł 15 (1965), str. 19

Nowy biografiski słownik k stawiznam a kulturje Serbow, wud. wot: Jan Šołta, Pětr Kunze a Franc Šěn, Budyšin: Ludowe nakładnistwo Domowina, 1984