Křižan, Jan Pawoł (1854–1923)

Zieschank, Johann Paul

* 12. 12. 1854 Sćijecy / Stiebitz
† 22. 2. 1923 Hodźij / Göda

Farar, spisaćel, předsyda Maćicy Serbskeje.

1868–77 gymnazij w Budyšinje, 1877–81 studij teologije w Lipsku, Tübingen a Jenje; 1881–83 kapłan a serbski prědar w Kamjencu, 1883–98 kapłan a 1898–1923 farar w Hodźiju.
Kř. wuda jako student małe modlerske knižki, staraše so za wobnowjenje serbskeje nabožinskeje wučby w šulach Kamjenskeho wokrjesa, w Misionskim Posole a w Pomhaj Bóh wozjewješe basnje nabožinskeho razu. 1899–1915 redigowaše Misionski Posoł a 1889–1923 Předźenak.
1903 wuzwolichu Kř. za noweho předsydu Maćicy Serbskeje, kotruž wjedźeše hač do 1923. Bě wot 1877 čłon Maćicy Serbskeje.

ŽÓ./LIT.: M. Domaška, Nekrolog – Časopis Maćicy Serbskeje 76 (1923), str. 207-210; Zwahr, Bauernwiderstand, str. 65, 216-217

Nowy biografiski słownik k stawiznam a kulturje Serbow, wud. wot: Jan Šołta, Pětr Kunze a Franc Šěn, Budyšin: Ludowe nakładnistwo Domowina, 1984

Nicht verwechseln mit: Jan Křižan / Johannes Zieschang (*23.2.1880 in Göda
† 28.10.1959 in Klix), evangelischer Pfarrer, 1930–1933 Vorsitzender der Domowina.