Kral, Jakub (1828) & Jurij (1864–1945)

Krahl, Jacob

* 23. 7. 1828 Chrósćicy / Crostwitz
† 22. 4. 1911 Radwor / Radibor

Wučer, domiznowědnik, ludowy spisowaćel.

K. bě pilny awtor serbskich časopisow, wosebje z pojednanjemi geografiskeho a historiskeho razu. Nan Franca a Jurja Krala.

ŽÓ./LIT.: H. Dučman, Pismowstwo, I, str. 64-65; II. str. 32-33; M. Nawka, Nekrolog – Časopis Maćicy Serbskeje 65 (1912), str. 73-75

Nowy biografiski słownik k stawiznam a kulturje Serbow, wud. wot: Jan Šołta, Pětr Kunze a Franc Šěn, Budyšin: Ludowe nakładnistwo Domowina, 1984

Krahl, Georg

* 16. 4. 1864 Radwor / Radibor
† 27. 11. 1945 Worklecy / Räckelwitz

Farar, słownikar a gramatikar.

1886–89 studij teologije w Praze; 1889–96 kapłan při Dwórskej cyrkwi w Drježdźanach, 1896–1922 farar w Deubenje a 1922–32 při Michałskej cyrkwi w Drježdźanach-Friedrichstadće, 1922 konsistorialny radźićel, 1932 na wuměnk w Drježdźanach; syn Jakuba Krala, bratr Franca Krala.
K. je awtor normatiwneje gramatiki hornjoserbšćiny, w kotrejž kodifikowaše so morfologija spisowneje rěče, płaćiwa hač do prěnich lět po druhej swětowej wójnje. Zdobom bě wona wučbnica serbšćiny. Dale pisa „Serbsko-němski słownik hornjołužiskeje rěče“ (Budyšin 1927–31). K. běše wot 1891 čłon Maćicy Serbskeje, 1934 sta so čestny sobustaw Čěskeje akademije wědomosćow a wuměłstwa w Praze, běše tež čestny sobustaw Słowjanskeho towarstwa w Sofiji a sobustaw Słowjanskeho instituta w Praze.

DALŠE WOZJ.: „Grammatik der wendischen Sprache in der Oberlausitz“, Bautzen 1895, 1919, 1925
ŽÓ./LIT.: M. Krječmar, Jurij Kral. Lužickosrbský jazykozpytec 1864–1945 – Slavia 20 (1950–1951), str. 364-367; R. Jenč, Stote narodniny serbskeho rěčnicarja – Rozhlad 14 (1964), 5, str. 142-145; J. Petr, Jazyková teorie a praxe v pražské Serbowce – Studia Slavica Pragensia, Praha 1973, str. 55-74

Nowy biografiski słownik k stawiznam a kulturje Serbow, wud. wot: Jan Šołta, Pětr Kunze a Franc Šěn, Budyšin: Ludowe nakładnistwo Domowina, 1984