Šlosar, Horst (1903–1964)

Schlossar, Horst

serbsce tež: Šlosar, Horst

* 23. 9. 1903 Drježdźany / Dresden
† 10. 3. 1964 Drježdźany / Dresden

Moler, grafikar.

1927–34 studij na Drježdźanskej akademiji wuměłstwa pola R. Müllera a Otta Dixa; swobodnje skutkowacy wuměłc w Drježdźanach, wot 1949 čłon Koła serbskich tworjacych wuměłcow.
Dźěło Š. woznamjenja so přez wosebitu tematisku a stilistisku mnohotu. Charakteristiska je kompleksna kompozicija jeho tematiskich wobrazow a skludźena móc, z kotrejž so wobrazowe elementy k realistiskemu zwobraznjenju radźa.
1959 wuznamjeni so z Mytom Ćišinskeho (w kolektiwje).

ŽÓ./LIT.: M. Nowak-Njechorński, Nekrolog – Rozhlad 14 (1964), 4, str. 126-127; Krawc, Wuměłcy, str. 83

Nowy biografiski słownik k stawiznam a kulturje Serbow, wud. wot: Jan Šołta, Pětr Kunze a Franc Šěn, Budyšin: Ludowe nakładnistwo Domowina, 1984